راولپنڈی (مانیٹرنگ ڈیسک ) پنڈی بوائے کا ووٹرز کو اپنی طرف متوجہ کرنے کا ایک اور اسٹائل سامنے آ گیا۔تفصیلات کے مطابق عوامی مسلم لیگ کے سربراہ شیخ رشید نے انتخابی مہم چلانے میں سب سیاسی رہنماؤں کو پیچھے چھوڑ دیا۔ عوام مسلم لیگ کے سربراہ شیخ رشید قومی اسمبلی کے حلقہ این اے 60اور 62 راولپنڈی سے انتخاب لڑیں گے جہاں تحریک انصاف کی بھرپور حمایت حاصل ہے اور ان دونوں نشستوں پر پی ٹی آئی نے اپنا امیدوار کھڑا نہیں کیا۔

شیخ رشید نے اپنے حلقے میں انتخابی مہم بھی زور و شور سے جاری رکھی ہوئی ہے۔کبھی شیخ رشید موٹر سائیکلوں پر نظر آتے ہیں تو کبھی عام لوگوں میں بیٹھے ناشتہ کرتے نظر آتے ہیں۔لیکن اب کی بار شیخ رشید نے انتخابی مہم کا ایک انوکھا انداز اپنایا ہے۔شیخ رشیدنے انتخابی مہم کے سلسلے میں بازار میں دلچسپ انٹری دی ہے۔شیخ رشید کی تصاویر سوشل میڈیا پر وائرل ہو رہی ہیں جن میں دیکھا جا سکتا ہے کہ شیخ رشید نے بازار میں کھڑے ہو کر ہی مونچھیں بنوانا شروع کر دی ہیں۔