اسلام آباد(مانیٹرنگ ڈیسک) نواز شریف اور مریم نوازکے اڈیالہ جیل جانے کے باعث چودھری نثار کی الیکشن مہم خطرات سے دوچار۔ مسلم لیگ(ن) کے تیسرے نمبر پر آنے والے امیدوار قمر السلام راجہ نے پہلی پوزیشن حاصل کر لی ۔ تحریک انصاف کے امیدوار غلام سرور اور چودھری نثار پریشانی میں مبتلا ہیں۔ نواز شریف نے اپنے ملاقاتیوں اور ہمدردوں کو اشارہ دیا ہے کہ وہ ان کی ملاقات کے لئے لیگی پرچم کے ساتھ اڈیالہ جیل میں آئیں۔
راجہ قمر السلام کے بینرز اور الیکشن مہم کے سلسلے میں دیگر تدابیر کو سامنے رکھیں۔ لیگی رہنماؤں کی نواز شریف کے ساتھ ملاقات اور اڈیالہ جیل کے راستوں پر قمر السلام راجہ کی مفت کی تشہیر چودھری نثار علی خان کے لئے خطرے کی گھنٹی بن گئے ۔ اس سلسلہ میں اہم ذرائع کا کہنا ہے کہ چودھری نثار علی خان نے اپنے بااعتماد رفقاء سے بات چیت کرتے ہوئے برملا اظہار کیا کہ نواز شریف اور ان کی بیٹی کی اڈیالہ جیل میں آمد ان کے الیکشن میں گہرے اثرات مرتب کریں گے ۔
