ملتان(مانیٹرنگ ڈیسک )سابق وزیراعظم و پیپلز پارٹی کے مرکزی رہنما سید یوسف رضا گیلانی نے انکشاف کیا ہے کہ جیل میں دوران قید دیگر قیدیوں کیساتھ پیسے ملا کر خود کھانا پکاتے تھے‘اڈیالہ جیل میں بہت مشکلات پیش آئیں لیکن کبھی شکایت نہیں کی‘ والدہ اور بہن کی وفات کی خبر جیل میں ملنا مشکل لمحہ تھا‘میں نے قیدیوں والے کپڑے تو نہیں پہنے لیکن قیدیوں والے سارے کام کیے ‘نواز شریف کو بھی شاید ایسا ہی کرنا پڑے گا ۔
جب میں وزیراعظم بنا تھا تو اڈیالہ جیل کے جس کمپاؤنڈ میں مجھے رکھا گیا اس کو لائبریری میں تبدیل کر دیا تھا۔یوسف رضا گیلانی نے کہا ہے کہ اڈیالہ جیل میں بہت مشکلات پیش آئیں لیکن کبھی شکایت نہیں کی، والدہ اور بہن کی وفات کی خبر جیل میں ملنا مشکل لمحہ تھا۔انھوں نے کہا کہ اڈیالہ جیل میں گارڈن اور ٹینس کورٹ مشقت کے طور پر اپنے ہاتھوں سے بنایا تھا۔ جیل میں ڈیزرٹ کولر تو موجود تھا لیکن چلانے کی اجازت نہیں تھی۔
