اسلام آباد (مانیٹرنگ ڈیسک) میاں نواز شریف اور مریم نواز لندن سے ابوظہبی اور پھر لاہور بھی پہنچ گئے اور باپ بیٹی کو اسلام آباد کے لیے بھی روانہ کر دیا گیا ہے لیکن شہباز شریف اپنے کارکنوں کے ساتھ ابھی تک ائیرپورٹ ہی نہیں پہنچے۔ نجی ٹی وی چینل اے آر وائی سے گفتگو کرتے ہوئے اعتزاز احسن نے کہا کہ پنجاب پولیس میں اتنی صلاحیت نہیں ہے کہ

لوگوں کو زیادہ دیر تک روک سکے، ان کا کہنا تھا کہ مسلم لیگ (ن) کی ریلی کے لیے لوگ بڑی تعداد میں گھروں سے ہی نہیں نکلے ن لیگ کی تمام قیادت نے نواز شریف اور مریم نواز کو دھوکہ دیا، نہ ہی لوگوں کو اکٹھا کر سکے اور نہ خود ائیرپورٹ پہنچے،ایجنسیوں کے مطابق لاہوری پیچھے رہ گئے نواز شریف کی گرفتاری ریلی کے ایئر پورٹ پہنچنے سے قبل ہی ہو گئی۔ سابق وزیراعظم نواز شریف اور مریم نواز کو رات تقریباً ساڑھے 9بجے گرفتار کر کے لاہور سے خصوصی پرواز کے ذریعے اسلام آباد لایا گیا۔ مگر جب نواز شریف کی گرفتاری ہوئی تو استقبال کے لئے آنے والی ریلی چیئرنگ کراس پر ہی پہنچی تھی۔ جو ایئر پورٹ پر نہ پہنچ سکی ۔ ایئر پورٹ پر محض چند کارکن پہنچے تھے۔واضح رہے کہ اس سے قبل نگران حکومت نے جگہ جگہ رکاوٹیں اور کنٹینر کھڑے کرکے راستے بلاک کر دیے تھے جس کی وجہ سے لیگی کارکنان اور رہنماؤں کو شدید پریشانی کا سامنا کرنا پڑا، لاہور کے کئی مقامات پر کارکنوں اور پولیس کے درمیان ہاتھا پائی اور پتھراؤ کے واقعات بھی ہوئے ، پولیس نے مظاہرین کو منتشر کرنے کے لیے شیل بھی فائر کیے