سیالکوٹ (این این آئی)سابق وفاقی وزیر خارجہ ومسلم لیگ (ن) کے رہنماء خواجہ محمد آصف نے کہا ہے کہ کیئر ٹیکر گورنمنٹ پتا نہیں کس کی کیئر کررہی ہے، کہیں یہ انڈر ٹیکر نہ بن جائے، نواز شریف کے پرامن استقبال کو روکنا درست اقدام نہیں، رکاوٹیں ضرور عبور کریں گے۔ جمعہ کو سیالکوٹ سے قافلے کی صورت میں لاہور روانہ ہونے سے قبل میڈیا سے گفتگو کرتے ہوئے
سابق وفاقی وزیر خارجہ خواجہ محمد آصف نے کہا کہ کیئر ٹیکر گورنمنٹ پتا نہیں کس کی کیئر کررہی ہے،کہیں یہ انڈر ٹیکر نہ بن جائے۔انہوں نے کہا کہ محمد نواز شریف کے پرامن استقبال کو روکنا درست اقدام نہیں، رکاوٹیں ضرور عبور کریں گے۔انہوں کہا کہ لاہور پہنچنا مشکل ہے لیکن اس کے باوجود لاہور پہنچنے کی کوشش کریں گے۔انہوں نے کہا کہ ماضی میں بھی ایسے حالات کا مقابلہ کیا ہے، نواز شریف کا استقبال نہیں کرنے دیا گیا پھر بھی ضرور جائیں گے۔
