اسلام آباد(مانیٹرنگ ڈیسک)ایون فیلڈ ریفرنس میں سزا پانے والے نوازشریف لندن میں ن لیگی کارکنوں کی جانب سے دیئے جانے والے استقبالیے میں اپنی پاکستان واپسی کی تاریخ کا اعلان کر یں گے ۔نجی ٹی وی کے مطابق مسلم لیگ ن کے کارکنان لند ن میں دو دن کے بعد نوازشریف کو استقبالیہ دیں گے اور اسی دوران نوازشریف اپنی پاکستان واپسی کی تاریخ کا اعلان بھی کریں گے جبکہ نوازشریف نے پاکستانی واپسی سے قبل ہی پارٹی کے تین اجتماعات سے خطاب کرنے کا بھی فیصلہ کر لیاہے ۔
دوسری جانب لندن میں مریم نواز سے جب ای صحافی نے سوال کیا کہ وکیلوں نے آپ کو دس دن میں واپسی کا مشورہ دیاہے ، جس پر جواب دیتے ہوئے مریم نواز کا کہناتھا کہ ہم دس دن سے پہلے ہی پاکستان چلے جائیں گے ۔ان کا کہناتھا کہ برطانوی ادارے پہلے ہی پاکستانی اداروں کو کہہ چکے ہیں کہ کوئی غیر قانونی کام نہیں ہوا ، اچھی بات ہے کہ یہ برطانیہ سے معاونت طلب کریں توساری حقیقت کھل کر سامنے آ جائیگی۔
