اسلام آباد(مانیٹرنگ ڈیسک)مریم نواز کا کہنا ہے کہ انفیکشن کی وجہ سے والدہ کی صحت میں بہتری کاعمل رک گیا ہے جس کی وجہ سے انہیں ابھی تک ہوش نہیں آیا۔لندن میں میڈیا سے گفتگو کرتے ہوئے مریم نواز کاکہنا تھاکہ ہماری سب سے پہلی ترجیح والدہ کی صحت ہے ، ابھی سیاست کے بارے میں نہیں سوچ رہے،ہم مقدمات سے بھاگنے والے نہیں بیگم کلثوم کی صحت بہترہونے پرمیاں صاحب فوراًواپس پاکستان جائیں گے۔
بیگم کلثوم کی صحت سے متعلق سوال پر ان کا کہنا تھا کہ انفیکشن کی وجہ سے والدہ کی صحت میں بہتری کاعمل رک گیا ہے جس کی وجہ سے انہیں ابھی تک ہوش نہیں آئی۔میر ی قوم سے دعاؤں کی اپیل ہے کہ بیگم کلثوم نواز کی صحت یابی کے لئے دعا کریں۔واضح رہے کہ اس سے پہلے نوازشریف کی اہلیہ بیگم کلثوم نواز کی میڈیکل رپورٹ احتساب عدالت میں پیش کر دی گئی جس میں کہا گیاہے کہ ان کے جسم کے متعدد اعضاءنے کام کرنا چھوڑ دیاہے ۔
