اسلام آباد(آن لائن)پیپلزپارٹی نے نگران وزیر اعظم کے لئے ذکاء اشرف اور جلیل عباس جیلانی کے نام فائنل کرلئے اپوزیشن لیڈر سید خورشید شاہ دونوں نام وزیر اعظم شاہد خاقان عباسی کو دے دئیے تفصیلات کے مطابق گزشتہ روز پیپلزپارٹی کے چیئرمین بلاول بھٹو زرداری شریک چیئرمین آصف علی زرداری نے نگران وزیر اعظم کے لئے ذکاء اشرف اور جلیل عباس جیلانی کے ناموں کا انتخاب کرلیا اور قومی اسمبلی میں اپوزیشن لیڈر سید خورشید شاہ
نے دونوں نام وزیر اعظم کو پیش کردئیے آصف علی زرداری نے ذکاء اشرف اور سابق سفیر جلیل عباس جیلانی سے الگ الگ ٹیلی فونک رابطہ کیا اور کہا کہ محنت اور ایمانداری کی بنیاد پر نام تجویز کیا ہے بیکنگ حیثیت اور انتظامی امور پر آپ کا کردار قابل تحسین ہے آصف علی زرداری نے ذکاء اشرف اور جیل عباس جیلانی سے بات کرتے ہوئے ان سے امید کا اظہار بھی کیا کہ اگر آپ کے زیر نگرانی انتخابات ہوئے تو کسی کو شکایت نہیں ہوگی۔
