کراچی(سی پی پی) چیئرمین تحریک انصاف عمران خان نے بزنس کمیونٹی کو انتخابات میں پارٹی ٹکٹ دینے کا اعلان کرتے ہوئے کہا کہ چاہتے ہیں کہ بزنس کمیونٹی الیکشن میں حصہ لے۔کراچی میں تاجروں سے گفتگو کرتے ہوئے عمران خان نے کہا کہ بزنس کمیونٹی نے ہمیشہ مشکل حالات میں ہمارا ساتھ دیا اور چاہتے ہیں کہ وہ الیکشن میں بھی حصہ لے، ہم اسے مثالی بنائیں گے۔چیئرمین تحریک انصاف نے کہا کہ حکومت ٹیکس پر ٹیکس

لگا رہی ہےاور ملکی معیشت مکمل طور پر تباہ ہو چکی ہے، بہتر معیشت کے لئے ہنگامی اقدامات اٹھانے ہوں گے۔عمران خان نے کا کہنا تھا کہ خیبرپختونخوا میں اداروں کو ٹھیک کر کے دکھایا، اسی طرح پورے پاکستان کو ایک مثال بنانا چاہتے ہیں۔دریں اثنا تحر یک انصاف کے چیئرمین عمران خان کاعام انتخابات میں سپیکر قومی اسمبلی سردار ایاز صادق کے مقابلے میں الیکشن نہ لڑ نے کا فیصلہ جبکہ پارٹی قائدین نے عمران خان کو الیکشن لڑ نے کا بھی مشورہ دیدیا ۔ تحر یک انصاف کے ذرائع نے دعویٰ کیا ہے کہ عمران خان عام انتخابات میں سپیکر قومی اسمبلی سردار ایاز صادق کے مقابلے میں الیکشن لڑ نے کی بجائے ڈیفنس میں وفاقی وزیر خواجہ سعد رفیق کے مقابلے میں الیکشن لڑ نے کا فیصلہ کر چکے ہیں جبکہ سپیکر ایاز صادق کے مقابلے میں کسی اور پارٹی کو الیکشن لڑوایا جائیگا جبکہ عمران خان کو اب بھی بعض قائدین مشورہ دے رہے ہیں کہ آپ کو اپنے آبائی حلقے سے الیکشن لڑ نا چاہیے تاہم اس حوالے سے عمران خان ابھی تک خاموش ہے اور امکان ہے کہ اس حوالے سے کوئی بھی فیصلہ تحر یک انصاف کے پار لیمانی بورڈ میں رواں ماہ ہی کیے جانے کا قومی امکان ہے ۔