اسلام آباد (مانیٹرنگ ڈیسک) سینئر صحافی عارف نظامی نے ایک نجی ٹی وی چینل کے پروگرام میں بات چیت کرتے ہوئے کہا کہ رضا حیات ہراج برج نہیں برجی ہیں، ن لیگ کے بڑے بڑے برج الٹنے والے ہیں، انہوں نے کہا کہ بہت عرصہ پہلے انہوں نے ساز و سامان باندھ لیا تھا،
خسرو بختیار کے علاوہ اور لوگ بھی ہیں، میری اطلاعات کے مطابق ایسا ہوا تھا کہ تین لینڈ کروزر گاڑیاں تحریک انصاف کے ایک اہم گھر گئیں، ان میں سے ایک گاڑی رضا ہراج چلا رہے تھے اور ان کے ساتھ پانچ رکن اسمبلی تھے اور دوسری گاڑی خسرو بختیار چلا رہے تھے اس میں بھی پانچ رکن قومی اسمبلی تھے پچھلی گاڑی میں دو اور ارکان تھے اور ایک اہم رہنما تھے جو ان سب کو لیڈ کر رہے تھے، اسلام آباد میں تحریک انصاف کے انتہائی سینئر رہنما کے گھر یہ سارے اکٹھے گئے، وہاں تحریک انصاف کے چیئرمین عمران خان آئے اور انہوں نے ان لیگی رہنماؤں کو لانے والے اور تمام ارکان کا شکریہ ادا کیا اور کچھ دیر بعد وہ چلے گئے، سینئر صحافی نے کہا کہ اگلا برج مخدوم خسرو بختیار کا الٹے گا، سینئر صحافی نے کہا کہ یہ ارکان اسمبلی خود تیار ہیں لیکن انہیں کہا گیا کہ ابھی رک جاؤ، سینئر صحافی نے کہا کہ ابھی اور بھی کھیپ ہے، ابھی تحریک انصاف کی ہوا نہیں چل رہی ہے بلکہ پاکستان مسلم لیگ (ن) کی چل رہی ہے، سینئر صحافی نے کہاکہ یہ سیاستدان یہ بات سمجھتے ہیں کہ جو پارٹی پرواسٹیبلشمنٹ ہو وہی پارٹی اقتدار میں آتی ہے، سینئر صحافی نے کہا کہ نواز شریف بھی پہلے پرواسٹیبلشمنٹ تھے۔ سینئر صحافی عارف نظامی نے ایک نجی ٹی وی چینل کے پروگرام میں بات چیت کرتے ہوئے کہا کہ رضا حیات ہراج برج نہیں برجی ہیں، ن لیگ کے بڑے بڑے برج الٹنے والے ہیں
