اسلام آباد (مانیٹرنگ ڈیسک) نواز شریف آج نیب عدالت میں پیشی کے بعد میڈیا نمائندوں سے بات چیت کر رہے تھے، ایک نجی ٹی وی چینل کی رپورٹ کے مطابق میاں نواز شریف نے کہا کہ چیئرمین سینٹ کی سیٹ پر کسی ایسے آدمی کو بٹھانے کی ضرورت نہیں ہے جو خود کمپرومائزڈ ہو یا کمپرو مائز کرنے والا ہو، اس لیے ہم نے تو رضا ربانی کی حمایت کرنے کا فیصلہ کیا تھا

کیونکہ وہ اس سیٹ کے لیے موزوں ہیں لیکن ان کی لیڈر شپ انہیں قبول نہیں کر رہی، اس لیے ہم اپنا امیدوار تلاش کر رہے ہیں جو معیار پر پورا اتر سکے، اس موقع پر ایک صحافی نے میاں نواز شریف سے سوال کیا کہ کل نہال ہاشمی نے چیف جسٹس سے معافی مانگی ہے اور کہا ہے کہ جن کی وجہ سے بیان دیا ہے وہ بچوں کا بندوبست کر لیں گے، کیا آپ بچوں کا بندوبست کریں گے، اس کے جواب میں نواز شریف صرف سر کھجاتے ہی رہ گئے، اس موقع پر صحافی نے سوال کیا کہ آپ کا چیئرمین سینٹ کا امیدوار نہیں آ رہا، جس کے جواب میں نواز شریف نے کہا کہ کس نے کہا کہ نہیں آ رہا، رضا ربانی پر تمام پارٹیاں اتفاق کرتی ہیں کیا مسلم لیگ (ن) کے پاس کوئی ایسا امیدوار ہے جس پر تمام پارٹیاں اتفاق کریں، نواز شریف نے جواب دینا چاہا لیکن اسی دوران کسی صحافی نے کہا کہ مشاہد حسین صاحب ہیں جس پر نواز شریف نے کہا کہ مشاہد حسین صاحب بہت اچھے ہیں اور میں انہیں ذاتی طور پر بہت پسند کرتا ہوں، میڈیا سے گفتگو کرتے ہوئے انہوں نے کہا کہ ملک کا تین بار وزیراعظم رہ چکا ہوں کرپشن ہوتی تو ثابت ہو جاتی۔ میاں نواز شریف نے کہا کہ چیئرمین سینٹ کی سیٹ پر کسی ایسے آدمی کو بٹھانے کی ضرورت نہیں ہے جو خود کمپرومائزڈ ہو یا کمپرو مائز کرنے والا ہو، اس لیے ہم نے تو رضا ربانی کی حمایت کرنے کا فیصلہ کیا تھا کیونکہ وہ اس سیٹ کے لیے موزوں ہیں لیکن ان کی لیڈر شپ انہیں قبول نہیں کر رہی، اس لیے ہم اپنا امیدوار تلاش کر رہے ہیں جو معیار پر پورا اتر سکے

موضوعات:نواز شریف