اسلام آباد (این این آئی)پاکستان مسلم لیگ (ن) آزاد کشمیر کے نائب صدر مشتاق ڈار نے عائشہ گلالئی کو الزامات لگانے کی وجہ سے قانونی نوٹس بھجوا دیاذرائع کے مطابق رکن قومی اسمبلی عائشہ گلالئی کو مسلم لیگ (ن) کے رہنماء مشتاق ڈار کی جانب سے بھیجا گیا موصول بھی ہوچکا ہے۔مشتاق ڈار کے وکیل کی جانب سے بھجوائے گئے قانونی نوٹس میں بتایا گیا کہ عائشہ گلالئی نے مسلم لیگ (ن) پر فوج کے خلاف اکسانے کے بیان دینے اور اپنے والد کو

بدلے میں سینیٹ کا ٹکٹ دینے کا الزام عائد کیا تھا۔نوٹس میں کہا گیا کہ عائشہ گلالئی 10 یوم میں ان الزامات کی وضاحت دیں یا 10 کروڑ روپے ہرجانہ ادا کریں بصورت دیگر انکے خلاف ہتک عزت کا مقدمہ درج کیا جائے گا۔نوٹس میں عائشہ گلالئی کو تنقید کا نشانہ بناتے ہوئے کہا گیا کہ ’آپکی غلط بیانی سے پاکستان مسلم لیگ (ن) کی ساکھ کو نقصان پہنچا ۔مشتاق ڈار کے مطابق عائشہ گلالئی نے بغیر کسی ثبوت کے، خلاف آئین دو اداروں کے ٹکراؤکا بیان جاری کیا۔انہوں نے کہا کہ عائشہ گلالئی اپنے بیان کی وضاحت دیں کہ کس نے انہیں فوج کے خلاف بات کرنے کو کہا۔خیال رہے کہ 16 فروری کو عائشہ گلالئی نے میڈیا سے گفتگو کرتے ہوئے دعویٰ کیا تھا کہ پاکستان مسلم لیگ (ن) کی جانب سے انہیں اور ان کے والد کو فوج کے خلاف پروپیگنڈا کرنے کی شرط پر سینیٹ انتخابات کے لیے ٹکٹ دینے کی پیشکش کی گئی تھی۔بعد ازاں 23 فروری کو ایک اور پریس کانفرنس کے دوران عائشہ گلالئی نے تینوں بڑی سیاسی جماعتوں پر الزام لگایا کہ جماعتوں نے سینیٹ انتخابات میں سرمایہ داروں کو ٹکٹ دیئے ہیں۔واضح رہے کہ عائشہ گلالئی نے چند روز  پہلے ہی اپنی سیاسی جماعت بنانے کا اعلان کیا تھا۔