لاہور( این این آئی،مانیٹرنگ ڈیسک)انسداد دہشتگردی کی خصوصی عدالت کی جانب سے زینب قتل کیس میں محفوظ کیا گیا فیصلہ کل سنایا جائے گا ۔کوٹ لکھپت جیل میں انسداد دہشتگردی کی خصوصی عدالت کے جج سجاد احمد نے ملزم عمران کے خلاف چالان پیش ہونے کے بعد کوٹ لکھپت جیل میں مسلسل چارروز سماعت کی ۔استغاثہ کی جانب سے زینب کیس کے ملزم عمران کے خلاف 56گواہان پیش کیے گئے۔عدالت نے ضابطہ

فوجداری کی دفعہ 342 کے تحت ملزم عمران علی کا بیان قلمبند کیا۔ملزم نے سماعت کے دوران خود بھی اعتراف جرم کرلیا ہے ۔عدالت نے حتمی بحث مکمل ہونے کے بعد 15فروری کو زینب قتل کیس کا فیصلہ محفوظ کیا تھا جو کل سنایا جائے گا۔نجی ٹی وی کے مطابق عمران علی عدالت میں روتا رہا۔ عمران علی کا کہنا تھا کہ مجھے جتنی سزا دی جائے کم ہے۔ ملزم نے کسی قسم کی قانونی مدد لینے سے بھی انکار کر دیا ہے۔

موضوعات:زینب قتل کیس