اسلام آباد (مانیٹرنگ ڈیسک) تحریک انصاف کے چیئرمین عمران خان کی سابق اہلیہ ریحام خان کی طرف سے بھارتی میڈیا کو انٹرویو میں عمران خان کے بولنے اور ان کی طرف سے کتاب آنے کے اعلان کے بعد عمران خان نے بھی خاموشی توڑ دی، ایک نجی ٹی وی چینل کے پروگرام میں گفتگو کرتے ہوئے انہوں نے کہا کہ میری جمائما خان سے علیحدگی کو چودہ سال ہو چکے ہیں، میں نے کبھی جمائما کے بارے میں کوئی منفی بات نہیں کی ہے، عمران خان نے کہا کہ ہمارے معاشرے کی
تہذیب کے مطابق ہم لوگ خواتین کی عزت کرتے ہیں، عمران خان نے کہا کہ مغرب میں بھی ایسا نہیں ہوتا کہ جب آپ کا کسی سے کوئی تعلق رہا ہو اور وہ ختم ہو جائے تو ایک دوسرے کے خلاف باتیں کریں، انہوں نے کہا کہ اس بات کو مغرب میں بھی بہت برا سمجھا جاتا ہے۔ تحریک انصاف کے چیئرمین عمران خان نے ریحام خان کے متعلق کہا کہ وہ جو مرضی کہیں مگر میں ان کے خلاف کوئی بات نہیں کروں گا، آپ لوگ میرے منہ سے ان کے خلاف کوئی بات نہیں سنیں گے۔
