لندن/برسلز(این این آئی)آزادی کی جدوجہد میں کشمیری تنہا نہیں، ان سے یک جہتی کے لیے برطانیہ، برسلز اور دیگر یورپی ملکوں میں مظاہرے، ریلیاں اور دیگر پروگرام منعقد کیئے گئے ،ظلم کی چکی میں پسنے والے کشمیریوں کی تصاویر اٹھائے مظاہرین نے بھارت کا اصل چہرہ دنیا کو دکھایا ۔یورپی دارالحکومت برسلز میں وزیراعظم کی رہائش گاہ اور امریکی سفارتخانے کے سامنے مرکزی شاہراہ پر سخت سردی کے باوجود مظاہرین اکٹھے ہوئے،
بھارتی ظلم وتشدد کے خلاف نعروں کے ذریعے سڑک پر آنے جانے والوں کو مقبوضہ وادی کے حالات کی طرف متوجہ کیا گیا۔میڈیارپورٹس کے مطابق کشمیری اورپاکستانی کمیونٹی کی جانب سے مظلومین کشمیر سے یک جہتی کا یہ سلسلہ کسی ایک ملک یا شہر تک محدود نہیں، برطانیہ کے شہر برمنگھم میں انسانی زنجیر بناکر کشمیریوں کی جدوجہد میں ساتھ ہونیکا پیغام دیا گیا، آکسفورڈ میں بھی بھرپور انداز میں آواز احتجاج بلند کی گئی ۔یورپی دارالحکومت برسلز میں وزیراعظم کی رہائش گاہ اور امریکی سفارتخانے کے سامنے مرکزی شاہراہ پر سخت سردی کے باوجود مظاہرین اکٹھے ہوئے، بھارتی ظلم وتشدد کے خلاف نعروں کے ذریعے سڑک پر آنے جانے والوں کو مقبوضہ وادی کے حالات کی طرف متوجہ کیا گیا۔جرمن دارالحکومت برلن میں فرینڈآف کشمیر نے مظاہرہ کیا اور پمفلٹ بانٹ کر کشمیر قابض فورسز کی جانب سے انسانی حقوق کی پامالیوں کو آشکار کیا۔مظاہرین نے اس امید کا اظہار کیا کہ 70سال سے بھارت کا جبراورطاقت کے بل بوتے پرکشمیر پر تسلط جلد ختم ہوگااور آزادی کا سورج طلوع ہوگا۔
