اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی وتجزیہ کار مظہر عباس نے کہا ہے کہ سابق وزیر اعظم نواز شریف کی تقاریروں پر الطاف حسین کی طرح پابندی عائد ہو سکتی ہے ، طلال چوہدری کو بھی نوٹس جاری کر کے نواز شریف کوآگاہ کر دیا گیا ہے کہ وہ اپنی تقرریں کرنے میں احتیاط سے کام لیں ۔انہوں نے مزید کہا کہ لاہور ہائی کورٹ میں دائر ایک پٹیشن کے ذریعے پہلے ہی پیمرا سے وضاحت طلب کر لی

گئی ہے ،اس حوالے سے پیمرا کو بھی نوٹس جاری کر دیا گیا ہے ۔ عنقریب پیمرا کی جانب سے تمام میڈیا چینل کو کہا جا سکتا ہے کہ وہ نواز شریف کی تقریر کے وہ حصے نہ دکھائیں جن میں وہ ججز کے خلاف بات کرتے ہیں ۔اگر نواز شریف نے احتیاط سے کام نہ لیا تو ان کے لئے انتخابات مشکل ہو سکتے ہیں اور ان کے لئے جلسوں میں خطاب کرنا بھی مشکل ہو جائے گا ۔واضح رہے کہ نوازشریف نے آج کل عدلیہ کو ہدف تنقید بنا رکھا ہے۔