لاہور ( این این آئی) انسپکٹر جنرل پولیس پنجاب کیپٹن (ر) عارف نواز خان نے زینب کیس کی تحقیقات کرنے والی جوائنٹ انویسٹی گیشن ٹیم کو جلد از جلد کیس منطقی انجام تک پہنچانے کی ہدایت کی ہے ۔ آئی جی پنجاب عارف نواز کی سربراہی میں قصور واقعے پر جے آئی ٹی کا اہم اجلاس ہوا جس میں جے آئی ٹی سربراہ محمد ادریس اور آر پی او شیخو پورہ ذوالفقار حمید سمیت دیگر نے شرکت کی جبکہ اجلاس میں زینب قتل کیس کے ملزم عمران
سے کی گئی تفتیش پرپیش رفت کاجائزہ لیا گیا۔آئی جی پنجاب نے جے آئی ٹی کو کیس کو جلد از جلد منطقی انجام تک پہنچانے کی ہدایت کرتے ہوئے کہا کہ زیادتی کے تمام کیسز کی تفتیش کے مراحل کو جلد از جلد مکمل کیاجائے، تفتیش میں جدید اور روایتی طرز پر تمام شواہد کاجائزہ لیا جائے اور متاثرہ خاندانوں کو ہر صورت انصاف مہیا کیا جائے گا۔واضح رہے کہ قصور میں زیادتی کے بعد قتل کی جانے والی زینب کے قاتل عمران نے اپنے جرم کا اعتراف کرلیا ہے۔
