اسلام آباد(مانیٹرنگ ڈیسک)قصور میں زینب کے قاتل کی گرفتاری کی خبریں اس وقت میڈیا پر چل رہی ہیں۔ نجی ٹی وی دنیا نیوز کے مطابق پولیس نے ملزم کو 20جنوری کو پاکپتن سے گرفتار کر لیا تھا۔جب ملزم کا ڈی این اے ٹیسٹ کرایا گیا تو اس کی رپورٹ میچ کر گئی جس کے بعد ملزم عمران نے بھی اعتراف جرم کر لیا ۔ذرائع کے مطابق ملزم عمران کو پولیس نے اس سے پہلے بھی پکڑا تھا
مگر زینب کے اہل خانہ نے مداخلت کی اور پولیس کو بتایا کہ عمران ان کا جاننے والا اور قابل اعتماد شخص ہے جس کے بعد اسےڈی این اے کئے بغیر رہا کر دیا گیا تھا۔عمران سے متعلق انکشاف ہوا ہے کہ وہ علاقے میں نعت خواں کے طور پر مشہور تھا جبکہ علاقے کی بچیوں میں ٹافیاں بھی بانٹا کرتا تھا اس کے علاوہ پتہ چلا ہے کہ عمران پیشے کے لحاظ سے الیکٹریشن تھا۔
