اسلام آباد (مانیٹرنگ ڈیسک) امریکہ نے پاکستان کو جدید ایم فور رائفل بیچنے پر پابندی لگا دی ہے، تفصیلات کے مطابق امریکہ نے دہشت گردوں کے خلاف لڑائی کے لیے انتہائی کارآمد جدید ایم فور رائفل پاکستان کو بیچنے پر پابندی عائد کر دی ہے، ذرائع کا اس بارے میں کہنا ہے کہ دہشت گردوں اور ڈاکوؤں سے لڑنے کے لیے پنجاب پولیس اپنے بنائے گئے سپیشل آپریشن یونٹ کے لیے جدید ایم فور رائفل خریدنے کی خواہش مند تھی مگر امریکہ نے امداد کو معطل کرنے کے ساتھ
ساتھ پاکستان کو یہ جدید رائفل دینے پر بھی پابندی لگا دی ہے۔ اب پنجاب سپیشل آپریشن یونٹ کے لیے جی تھری اور ایس ایم جی رائفلیں خریدی جائیں گی واضح رہے کہ اس سے قبل واشنگٹن نے جدید گلوک پستول کی پاکستان کو فروخت پر بھی پابندی لگا رکھی ہے اور اس گلوک پستول کے متبادل کے طور پر پنجاب پولیس بریٹا پستول استعمال کر رہی ہے۔ امریکہ نے دہشت گردوں کے خلاف لڑائی کے لیے انتہائی کارآمد جدید ایم فور رائفل پاکستان کو بیچنے پر پابندی عائد کر دی ہے