اسلام آباد (اے این این)سابق وزیراعظم نوازشریف کے داماد کیپٹن(ر) محمدصفدر کے حوالے سے اسلام آباد میں بینرز آویزاں کردیئے گئے ،جن پر خادم رسولؐ ،کیپٹن صفدر زندہ باد درج ہے ۔میڈیا رپورٹس کے مطابق کیپٹن صفدر سے متعلق یہ بینرز اسلام آباد کے علاقے کشمیر ہائی وے پر واقع جی 11سیکٹر میں آویزاں کیے گئے ہیں ،تاہم یہ سامنے نہیں آسکاہے کہ یہ بینرز کن کی جانب

سے لگائے گئے ہیں ۔ذرائع کا کہناہے کہ یہ بینرز کیپٹن صفدر کے حامیوں کی جانب سے لگائے گئے ہیں ۔واضح رہے کہ فیض آباد میں جاری تحریک لبیک کا دھرنا وزیر قانون زاہد حامد کے مستعفی ہونے کے بعد ختم ہو گیاہے جس میں فوج نے ثالثی کا کر دار ادا کیا تاہم ڈاکٹر اشرف آصف جلالی کی زیر قیادت لاہور میں دھرناجاری ہے جس میں رانا ثنا اللہ کے استعفی کامطالبہ کیا جارہاہے ۔

موضوعات:کیپٹن (ر) صفدر