اسلام آباد (مانیٹرنگ ڈیسک ) افغانستان سے دہشتگردوں نے پاکستان پر حملہ کردیا جس پر پاک فوج کی جانب سے بھرپورجوابی کارروائی کی گئی جس میں  8سے 10دہشتگردوں کو موت کے گھاٹ اتار دیا جبکہ اس حملے میں پاک فوج کے کیپٹن سمیت دو افراد شہید ہوگئے ۔پاک فوج کے محکمہ تعلقات عامہ (آئی ایس پی آر) کے مطابق افغانستان سے شدت پسندوں نے باجوڑ ایجنسی کے علاقے میں چیک پوسٹ پر حملہ کیا جس کے نتیجے میں کیپٹن جنید حفیظ

اور سپاہی رحم جام شہادت نوش کرگئے اور چار اہلکار زخمی ہیں۔ پاک فوج نے اس حملے کا موثر جواب دیا اور 8سے 10دہشتگردوں کو موت کے گھاٹ اتار دیااور کچھ زخمی ہوئے ہیں جبکہ باقی شدت پسند اپنے ساتھیوں کی لاشیں چھوڑ کر فرار ہوگئے ہیں ۔ترجمان کے مطابق افغانستان کی اپنے علاقے میں کوئی رٹ نہیں ہے جس کی وجہ سے افغانستان سے ایسے حملے ہورہے ہیں ۔واضح رہے کہ اس سے پہلے بھی سرحد پار سے دہشت گرد حملے کرتے آئےہیں۔