اسلام آباد (مانیٹرنگ ڈیسک)معروف صحافی اور اینکرآفتاب اقبال نے نجی ٹی وی چینل کے پروگرام میں بات کرتے ہوئے انکشاف کیا ہے کہ سابق وزیر اعظم نواز شریف کو ایک بیماری لاحق ہے جس کا ہم پہلے بھی تذکرہ کر چکے ہیں۔ 2011میں ان کو جو ہارٹ کا مسئلہ ہو گیا تھا تب خون کا ایک لوتھڑا ان کے جسم میں رہ گیا تھا جس کا ان کے دماغ پر بے حد اثر ہے اور اب وہ امنیزیا کا شکار ہو گئے ہیں۔آفتاب اقبال کا پروگرام میں مزید کہنا تھا کہ ہر اس شخص پر، جس نے
اقتدار میں رہتے ہوئے اس کا ناجائز استعمال کیا ہے، آج برا وقت آیا ہوا ہے۔ انہوں نے کہا کہ نواز شریف اس وقت گرہن اور بد نصیبی کی ایک تہہ میں اٹے ہوئے ہیں اور ان کے قدم بھی اتنے سبز ہو گئے ہیں کہ قطر گئے تو قطری پکڑے گئے، سعودی عر ب گئے تو کرپشن کیس میں ان کے سارے خیر خواہ اندر ہو گئے ۔انگلینڈ گئے تو پیراڈائز لیکس میں ملکہ برطانیہ کا نام آ گیا۔ اب تو انہیں عنقریب امریکہ بھیجا جانا چاہئیے تاکہ امریکی صدرڈونلڈ ٹرمپ کا بھی کچھ ہو۔
