چکوال(آن لائن)کوہاٹ سے لاہورجانے والی بس تلہ گنگ کے قریب نہرکے پل کے نیچے گرگئی ،27افرادجاں بحق ،40زخمی ہوگئے ۔میڈیارپورٹس کے مطابق کوہاٹ سے رائے ونڈ تبلیغی اجتما ع کے لئے جانے والی بس تلہ گنگ کے قریب ڈھوک پٹھان کے مقام پرڈرائیورسے بے قابوہوکرپل سے نیچے گرگئی، بس میں تبلیغی جماعت کے 60 سے زائد

افراد سوار تھے حادثے میں بس میں سوار27افرادموقع پرجاں بحق جبکہ 40زخمی ہوگئے ،حادثے کے بعدامدادی ٹیموں نے موقع پرپہنچ کرزخمیوں اورلاشوں کوتلہ گنگ اورچکوال کے ہسپتالوں میں منتقل کردیاہے،ہسپتال ذرائع کے مطابق حادثے میں زخمی کئی افرادکی حالت نازک ہے اورجاں بحق افرادکی تعدادمیں اضافے کاخدشہ ظاہرکیاجارہاہے۔