اسلام آباد (مانیٹرنگ ڈیسک)قادیانیوں کے بارے میں بیان دینا صوبائی وزیر قانون رانا ثناء اللہ کو مہنگا پڑ گیا۔اپوزیشن کیساتھ حکومتی ارکان اسمبلی بھی وضاحت پر مطمئن  نظر نہیں آتے ۔میڈیا رپورٹس قادیانیوں کے بارے میں بیان دینا صوبائی وزیر قانون رانا ثناء اللہ کو مہنگا پڑ گیا ہےارکان اسمبلی کی جانب سے ان سے معافی کا مطالبہ کیا گیا ہے۔مذہبی جماعتیں اور اپوزیشن ارکان ایک ہو گئے ہیں ۔ متعدد ارکان نے کہا ہے کہ سیاسی

نظریات اور سیاست سے بالا تر ہو کر یہ ہمارے ایمان کا حصہ ہے ۔پنجاب حکومت نے اراکین اسمبلی کے مزاج کو محسوس کرتے ہوئے پارلیمانی روایت کو بھی نظر انداز کر دیا ہے ۔ ہمیشہ اسمبلی اجلاس سے قبل پارلیمانی پارٹی کا اجلاس بلوایا جاتا ہے جس میں ایوان کو چلانے کے لئے اور زیر بحث معاملات پر صلاح مشورے کئے جاتے ہیں ۔ مذہبی جماعتوں اور متعدد ارکان کی جانب سے قادیانیوں کے ایشو پر بات کرنے کا فیصلہ کیا گیاہے ،اس معاملے میں صوبائی وزیر قانون اور پنجاب حکومت شدید دباؤ کا شکار ہے ۔واضح رہے کہ ثنا اللہ نے قادیانیوں سے متعلق متنازعہ بیان دیا تھا۔

موضوعات:!رانا ثناء اللہ