رسالپور (این این آئی)ایئر چیف مارشل سہیل امان نے کہا ہے کہ پاک فضائیہ ہرقسم کے چیلنجزسے نمٹنے کی بھر پور صلاحیت رکھتی ہے ٗپاکستان امن پسند ملک ہے اور خطے میں امن کے لیے کردار ادا کرتا رہے گا۔ وہ پی اے ایف اصغر خان اکیڈمی میں 119 ویں کامبیٹ کی پاسنگ آئوٹ پریڈ سے خطاب کررہے تھے ۔پی اے ایف اصغر خان اکیڈمی رسالپور میں119 ویں کمبیٹ کی
پاسنگ آئوٹ پریڈ ہوئی ٗتقریب کے مہمان خصوصی کمانڈر کویت فضائیہ میجر جنرل عبداللہ یعقوب جاسم الفوداری تھے ٗ اس کے علاوہ پاک فضائیہ کے سربراہ ائیر چیف مارشل سہیل امان بھی تقریب میں موجود تھے۔ پاسنگ آئوٹ پریڈ میں میڈیکل ٗ ایجوکیشن ٗآئی ٹی ٗاکائونٹس ٗ انجینئرنگ اور لاجسٹکس کے شعبے سے تعلق رکھنے والے کل 52 ایوی ایشن کیڈٹس پاس آوٹ ہوئے ٗتقریب میں 12 کویتی انڈر ٹریننگ آفیسرز کو بھی فلائنگ بیجز لگائے گئے۔تقریب سے خطاب کرتے ہوئے ایئر چیف مارشل نے کہاکہ پاک فضائیہ قیام امن کیلئے اہم کردار ادا کررہی ہے،دہشت گردی کی جنگ میں پاک فضائیہ نے قربانیاں دیںسربراہ پاک فضائیہ ایئر چیف مارشل سہیل امان نے کہاکہ پاکستان امن پسند ملک ہے ٗپاک فضائیہ قیام امن کیلئے اہم کردار ادا کررہی ہے اور خطے میں امن کے لیے کردار ادا کرتا رہے گا، ایئر چیف مارشل سہیل امان نے کہا کہ وہ کویتی کیڈٹس کی کارکردگی سے متاثر ہوئے ہیں ٗتربیت سے کیڈٹس کی پیشہ ورانہ صلاحیتوں میں اضافہ ہوگا ٗدونوں ممالک کی فضائیہ میں تعاون وسیع ہورہاہے ٗپاکستانی اور کویت فضائیہ کے تعلقات مزید فروغ پائیں گے۔سربراہ پاک فضائیہ نے کورس مکمل کرنے والے کیڈٹس کو مبارکبا د پیش کرتے ہوئے کہا کہ کامیاب
ہونیوالے کیڈٹس مبارکباد کے مستحق ہیں۔ تربیت سے کیڈٹس کی پیشہ ورانہ صلاحیتوں میں اضافہ ہوگا، وہ کویتی کیڈٹس کی کارکردگی سے متاثر ہوئے ہیں، دونوں ممالک کی فضائیہ میں تعاون وسیع ہورہا ہے، آنے والے دنوں میں یہ تعلقات مزید فروغ پائیں گے۔تقریب سے خطاب کرتے ہوئے کویتی فضائیہ سربراہ نے کہا کہ وہ کامیاب ٹریننگ پر تمام کیڈٹس کو مبارکباد دیتے ہیں ٗ کیڈٹس اپنی
بھرپور توانائیاں بروئے کار لاتے ہوئے فرائض نبھائیں، پاکستان اور کویت کے عوام مشترکہ مذہبی اور ثقافتی اقدار کی بدولت مضبوط رشتے سے جڑے ہیں ٗپاکستان اور کویتی فضائیہ پیشہ ورانہ امور میں دو طرفہ تعاون کو فروغ دے رہی ہیں ٗدونوں برادر اسلامی ممالک کی فضائی افواج میں وسیع تعاون موجود ہے۔اس موقع پر تقریب کے مہمان خصوصی کمانڈر کویتی فضائیہ میجر جنرل عبداللہ
یعقوب جاسم الفائوداری کا کہنا تھا کہ پاکستان اور کویت کے عوام مذہبی اور ثقافتی اقدار کیمضبوط رشتے سے جڑے ہیں، دونوں ممالک کی فضائی افواج میں وسیع تعاون موجودہے۔
