اسلام آباد (مانیٹرنگ ڈیسک) تحریک انصاف کی حلقہ این اے 120 میں شکست کی وجوہات کا پتہ چل گیا، تفصیلات کے مطابق لاہور سے حلقہ این اے 120 کے ضمنی الیکشن میں تحریک انصاف کی امیدوار یاسمین راشد کی شکست کے بارے جائزہ لینے کے لیے بنائی جانے والی تین رکنی انکوائری ٹیم نے اپنی رپورٹ تحریک انصاف کے چیئرمین عمران خان کو دے دی ہے، اس انکوائری رپورٹ میں تحریک انصاف کی رہنما یاسمین راشد کی انتخابی مہم میں تحریک انصاف کے بعض رہنماؤں کی کوتاہیوں کی نشاندہی کی گئی ہے، اس

انکوائری رپورٹ میں کہنا ہے کہ حلقہ این اے 120 میں پارٹی کے بعض رہنماؤں کی طرف سے ڈاکٹر یاسمین راشد کے انتخابی دفاتر کھولنے میں تاخیر کی گئی جس کی وجہ سے اس حلقہ کے بعض علاقوں میں انتخابی مہم بھی تاخیر سے شروع کی گئی،اس انکوائری رپورٹ میں مزید کہنا ہے کہ قرطبہ چوک میں منعقد ہونے والے تحریک انصاف کے جلسے میں لوگوں کی عدم شمولیت بھی ڈاکٹر یاسمین راشد کی انتخابی مہم پر اثر انداز ہوئی اور ان تمام کوتاہیوں کا ذمہ دار اس انکوائری رپورٹ میں پی پی139 کے پارٹی رہنماؤں کو ٹھہرایاگیا ہے۔