اسلام آباد (مانیٹرنگ ڈیسک) تحریک انصاف کے چیئرمین عمران خان نے این اے 120 کے حلقہ میں شکست پر اپنا ردعمل دے دیا، تفصیلات کے مطابق عمران خان نے کہا کہ این اے 120 لاہور ضمنی الیکشن کی مہم دیر سے شروع کی جو شکست کا پیش خیمہ ثابت ہوئی۔ تحریک انصاف کے چیئرمین عمران خان نے نجی ٹی وی چینل کے پروگرام میں بات چیتکرتے ہوئے کہا کہ این اے 120 لاہور ضمنی الیکشن کی انتخابی مہم دیر سے شروع کرنے سے شکست کا سامنا کرنا پڑا۔ اگر انتخابی مہم کا
جلد اور بروقت آغاز کر لیتے تو نتائج بہت مختلف ہوتے۔ عمران خان نے کہا کہ ضمنی انتخابات میں ماحول خود بنانا پڑتا ہے۔ مسلم لیگ (ن) کے وزراء اور سرکاری مشینری بہت پہلے سے ہی حلقے میں ضمنی انتخاب کی مہم کا آغاز کر چکے تھے مگر ہم نے ان کے مقابلے میں دیر سے انتخابی مہم شروع کی اور جب مہم اپنے عروج پر پہنچی تو الیکشن کا دن آ گیا۔ تحریک انصاف کے چیئرمین عمران خان نے کہا کہ اگر ہمیں انتخابی مہم کے لیے ایک ہفتہ اور مل جاتا تو اس وقت نتائج مختلف ہونے تھے۔
