اسلام آباد (مانیٹرنگ ڈیسک) سمیع ابراہیم کا کہناہے کہ ڈاکٹر یاسمین راشد کو ان ہی کی جماعت کے ایک گروپ نے شکست سے دوچار کرایا، تفصیلات کے مطابق معروف صحافی اور تجزیہ نگار سمیع ابراہیم نے ایک نجی ٹی وی چینل کے پروگرام میں بات چیت کرتے ہوئے کہا کہ تحریک انصاف کی ڈاکٹر یاسمین راشد کو ان ہی کی جماعت کے گروپ نے شکست سے دوچار کروایا ہے۔ اگر ڈاکٹر یاسمین راشد الیکشن جیت جاتیں تو اس صورت میں انہیں لاہور کی قیادت کی ذمہ داریاں سونپ دی جاتیں۔ اسی لیے تحریک انصاف کے ایک گروپ نے انہیں فتح

حاصل نہیں کرنے دی۔ اسی حوالے سے صحافی صابر شاکر نے کہا کہ تحریک انصاف کا ایک گروپ یاسمین راشد کی بجائے چوہدری سرور کو ٹکٹ دلوانا چاہتا تھا۔ اس گروپ کا خیال تھا کہ چوہدری سرور ان کے لیے مشکلات کھڑی کر رہے ہیں، چوہدری سرور کو اگر این اے 120 کا ٹکٹ دے دیا جاتا تو انہیں الیکشن میں شکست کا سامنا کرنا پڑتا اور اس صورت میں چوہدری سرور برطانیہ واپس چلے جاتے لیکن اس گروپ کو اپنے منصوبے میں ناکامی کا سامنا کرنا پڑا تاہم یہ گروپ یاسمین راشد کو حلقہ این اے 120 میں ہروانے میں کامیاب رہا۔

موضوعات:چوہدری سرور