اسلام آباد (مانیٹرنگ ڈیسک) معروف صحافی و تجزیہ ڈاکٹر شاہد مسعود نے نجی ٹی وی چینل کے پروگرام میں گفتگو کرتے ہوئے کہا کہ حلقہ این اے 120 کا انتخاب مسلم لیگ (ن) جیت گئی ہے مگر میں آپ کو یہ بتاتا چلوں کہ اس حلقہ میں ڈاکٹر یاسمین راشد کی طاقت کیا ہے، ان کی طاقت یہ ہے کہ اس حلقہ میں جو بہت سارے نوجوان ہیں وہ بھی انہیں جانتے ہیں اور جو حلقے کی خواتین ہیں وہ ساری کی ساری ان کو ذاتی طور پر جانتی ہیں۔ پُرانے لاہور میں موجود تمام افراد کو یاسمین راشد

کا نام پتہ ہے کیونکہ ان میں سے کئی نوجوانوں کی ڈیلیوری انہی کے ہاتھوں سے ہوئی ہے۔ تحریک انصاف کی یاسمین راشد نے سرکاری گاڑیوں میں بیٹھ کر انتخابی مہم نہیں چلائی یہ وہاں موجود قریباً تمام خواتین کو ان کے نام سے جانتی ہیں اور وہ لوگ بھی ان کی بے حد قدر کرتے ہیں۔ یہ پیدل لوگوں کے گھروں میں گئی ہیں وہاں لوگ کہتے ہیں کہ ڈاکٹر صاحبہ آ رہی ہیں، سب جانتے ہیں، ان کی جگہ کوئی اور اس حلقے سے کھڑا ہو تو شاید وہ اتنے زیادہ ووٹ حاصل نہ کرسکے۔