کراچی(این این آئی)وزیراعلی سندھ سید مراد علی شاہ نے کہا ہے کہ سندھ میں بیشتر منصوبے جن میں سڑکوں، پلوں اور کینال لائننگ وغیرہ کے لیے ہمارے پاس پبلک پرائیویٹ پارٹنرشپ کے تحت بڑے منصوبوں میں سرمایہ کاری کرنے کے مواقع موجود ہیں۔ یہ بات انہوں نے جمعرات کو وزیراعلی ہاؤس میں آئے ہوئے ویتنامی سفیر نگوین لوان زوکی اپنے وفد کے ہمراہ ملاقات دوران کہی۔ ملاقات میں ہیڈ آف ٹریڈ مشن نوگ ین ہانگ ٹین،
چیئرمین پاک ویتنام غضنفر علی خان، چیئرمین منصوبابندی و ترقی محمد وسیم اور وزیراعلی سندھ کے پرنسپل سیکریٹری سہیل راجپوت و دیگر موجود تھے۔ وزیراعلی سندھ نے ویتنامی سفیر کا خیر مقدم کرتے ہوئے کہا کہ دوطرفہ تجارت اور سرمایہ کاری کو فروغ دینے کے لیے سندھ میں پبلک پرائیویٹ پارٹنرشپ کے تحت اہم مواقع موجود ہیں ۔
