اسلام آباد (این این آئی)سپریم کورٹ آف پاکستان نے مالی معاملات میں وزیر اعظم کے صوابدیدی اختیار کو کالعدم قراردینے کے فیصلے کیخلاف دائروفاقی حکومت کی اپیل سماعت کے لئے مقرر کرلی گئی ہے۔ کیس کی سماعت چار نومبر کو جسٹس ثاقب نثار کی سربراہی میں جسٹس مقبول باقر اور جسٹس خلجی عارف حسین پر مشتمل تین رکنی بنچ کرے گا۔ یادرہے کہ عدالت نے ایک مقدمے کافیصلہ سناتے ہوئے قرار دیا تھا کہ مالی معاملات میں وزیر اعظم کی طرف سے کابینہ کو نظر انداز کر نا غیر آئینی اقدام ہے۔ عدالت نے قراردیا تھا کہ کسی بھی مالی
بل کی منظوری کے لئے کابینہ سے پیشگی منظوری کو لازمی قرار دیا تھا تاہم عدالتی فیصلے کو وفاقی حکومت نے چیلنج کیا ہے جس کی سماعت جمعہ کو ہوگی۔
