اسلام آباد (نیوز ڈیسک) وزیر اعظم نواز شریف نے اپوزیشن الائنس کے چیلنج سے نمٹنے کے لئے اتحادیوں سے رابطہ مہم شروع کر دی ۔ میڈیا رپورٹ میں حکومتی ذرائع کا حوالہ دیتے ہوئے کہا گیا ہے کہ وزیر اعظم نے اپنے اتحاد یو ں کے ساتھ رابطہ مہم کا آغاز کر دیا ہے ۔ رپورٹ کے مطابق پاکستان مسلم لیگ(ق) کے سربراہ چودھری شجاعت حسین نے حکومت کے خلاف ایک گرینڈ الائنس کی تجویز دی ہے ۔ قبل ازیں پاکستان پیپلزپارٹی اور پاکستان تحریک انصاف نے حکمرانوں کی نگرانی کے لئے پارلیمنٹ میں مشترکہ اپوزیشن کے طور پر کام کرنے پر اتفاق کیا تھا ۔ رپورٹ کے مطابق پی پی پی اور پی ٹی آئی کے قومی اسمبلی میں اتحاد اور چودھری شجاعت کے اس بیان کے ایک گرینڈ اپوزیشن الائنس تشکیل دیا جائے گا سے وزیر اعظم اور ان کے اتحادی محتاط ہو گئے ہیں ۔ رپورٹ کے مطابق وزیر اعظم کے ایک قریبی اتحادی نے بتایا کہ وہ اتحادی جماعتوں کے رہنماؤں کے ساتھ اجلاس کا انعقاد کریں گے اور ان سے تعاون اور ان کی حمایت حریف پارٹیوں کی جانب منتقل نہ ہونے کی یقین دہانی لیں گے ۔ رپورٹ کے مطابق وزیر اعظم اپنے اتحادیوں کو سننے اور انکے مسائل حل کرنے کرنے کے لئے بھی تیار ہیں ۔ رپورٹ کے مطابق ذرائع نے مزید بتایا کہ کابینہ میں توسیع میں تاخیر بھی اتحادیوں کے دباؤ کی ایک وجہ ہے ۔ رپورٹ کے مطابق وزیر اعظم چاہتے ہیں ان کے اعلی سطحی اتحادی فعال ہوں اور حکومت کے خلاف بطور یونٹ اپوزیشن کی بڑھتی ہوئی طاقت کو توڑیں ۔ رپورٹ کے مطابق وزیر اعظم ذرائع کا مزید کہنا ہے کہ وزیر اعظم کا کہنا ہے کہ اپوزیشن جماعتوں کا الائنس حکومت کے حق میں نہیں ہو گا ۔ لہذا انہیں ایک دوسرے سے علیحدہ عرکھنے کی ضرورت ہے ۔ رپورٹ کے مطابق ایک اور ذرائع نے بتایا کہ حکومت کا زیادہ تر فوکس پاکستان پیپلزپارٹی پر ہے اور وہ اسے حقیقی اپوزیشن بننے سے روکنے کی خواہاں ہے کیونکہ حکومت پی پی پی کو پی ٹی آئی کے مقابلے میں زیادہ باشعور سمجھتی ہے ۔ رپورٹ کے مطابق حکومت پارٹی رہنماؤں کو اس حوالے سے فعال کر رہی ہے رپورٹ کے مطابق ذرائع کا کہنا ہے کہ نواز شریف محاذ آرائی سے بچنے کے لئے پی ٹی آئی کی قیادت میں خیبرپختونخوا حکومت کے ساتھ برابری کی سطح پر تعاون کے لئے بھی تیار ہیں ۔