اسلام آباد (این این آئی)وداعش اور ہمارا مطالبہ ایک ہے،مولانا عبدالعزیز کے بیان نے کھلبلی مچادی-فاقی دارالحکومت کی لال مسجد کے خطیب مولانا عبدالعزیز نے کیلی فورنیا حملے میں ملوث تاشفین ملک سے کسی بھی طرح کے تعلق کی تردید کرتے ہوئے کہا ہے کہ ہمارا کسی جہادی یا دہشت گرد تنظیم سے نہ کوئی تعلق تھا اور نہ ہےـملک میں اسلام کے نفاذ کا مطالبہ کرتے ہیں’امریکہ حوالگی سے نہیں ڈرتا’ ہم خود شہادت کے متمنی ہیںـایک انٹرویو میں لال مسجد کے خطیب مولانا عبدالعزیز نے کہا کہ کیلی فورنیا حملے میں ملوث بتائے جانے والے میاں بیوی رضوان فاروق اور تاشفین ملک سے ہمارا کوئی تعلق نہیں اور اللہ کو حاضر ناظر جان کر کہتا ہوں کہ تاشفین ملک کو نہیں جانتاـانہوں نے تاشفین ملک کے ساتھ اپنی تصاویر کے حوالے سے کہا کہ انہوں نے تو آج تک اپنی بیوی اور بیٹیوں کے ساتھ بھی تصویر نہیں بنوائی کسی غیر محروم خاتون کے ساتھ تصویر بنوانے کا سوال ہی پیدا نہیں ہوتاـمولانا عبدالعزیز نے کہا کہ تاشفین ملک یا اس کے شوہر سے ان کی نہ توکوئی ملاقات ہوئی اور نہ ہی کوئی رابطہ رہاـمیرا کسی جہادی یا دہشت گرد تنظیم سے نہ تو پہلے کوئی تعلق تھا اور نہ اب ہےـملک میں نفاذ اسلام کی بات کرتے ہیںـپیرس حملوں پر بھی افسوس کا اظہار کیا تھا اور کیلی فورنیا واقعہ پر بھی افسوس کا اظہار کرتے ہیں لیکن ہمیں دہشت گرد یا ان کا ساتھی بنا کر پیش کیاجاتا ہےـانہوں نے کہا کہ جامعہ حفصہ کی طالبات کا داعش سے کسی قسم کا تعلق یا واسطہ نہیں چونکہ ہم بھی نفاذ شریعت کی بات کرتے ہیں اور داعش بھی یہی مطالبہ کرتی ہے اس لیے طالبات نے اسلام کی محبت میں سوشل میڈیا پر داعش کے حق میں ویڈیو جاری کی جو جذباتی اقدام تھاـمولانا عبدالعزیز نے کہا کہ اگر امریکہ کی طرف سے ان کی حوالگی کا مطالبہ کیا گیا تو انہیں اس کا کوئی خوف نہیں ہمیں موت سے نہیں ڈرایا جاسکتا کیونکہ ہم خود شہادت کے متمنی ہیںـ