لاہور(نیوزڈیسک) بھارت میں بڑھتی انتہاپسندی کیخلاف ایوارڈواپسی مہم میں بھارتی فنکاروں کے بعد اب پاکستانی فلمسازبھی شامل ہوگئے ہیں ، پچھلے برس بھارت میں اعزازپانیوالے خالدحسن نے ایوارڈواپس کردیاہے۔دہلی فلم فیسٹیول میںاپنی فلم ہوٹل پر گزشتہ برس ایوارڈ لینے والے پاکستانی ڈائریکٹر خالد حسن خان نے بھارت کی جانب سے دیاگیاایوارڈبالی ووڈاسٹارکودھمکیاں ملنے پرواپس کیا۔خالد حسن خان کا کہنا تھا کہ آزادی اظہاربہت اہم ہے،ایوارڈ کا کیا ہے ؟ یہ تو پھر جیتاجاسکتاہے۔بھارت میں لبرل دانشورکیقتل اورمسلمان کوگائیکاگوشت کھانے کے جھوٹے الزام میں موت کے گھاٹ اتارنے پر مختلف حلقوں کی جانب سے ایوارڈواپسی کی مہم چلائی جارہی ہے،جس میں درجنوں شاعر،فنکار،دانش ورہی نہیں سائنسدان بھی شریک ہیں۔مودی سرکارکے دورمیں بڑھتی اس انتہاپسندی کے خلاف شاہ رخ خان اورعامر خان نے بھی آوازبلندکی ہے،بالی ووڈکے مسلم اداکاروں کی جانب سے اس تنقیدپرانتہاپسندحلقوں نے انہیں پاکستان کاایجنٹ قراردیاہے اورحدیہ ہے کہ عامرخان کو تھپر مارنے والے کیلیے ایک لاکھ روپے انعام کااعلان کیاہے۔اس صورتحال میں خالدحسن خان نے کہا کہ ایوارڈکل بھی جیتاجاسکتاہے مگرآزادی اظہاربہت اہم ہے،پاکستانی فلمسازکی جانب سے ایوارڈکی واپسی نے دہلی انٹرنیشنل فلم فیسٹیول کے بانی کوآگ بگولاکردیاہے۔رام کشورپراچہ نے خالد حسن کے اس اقدام کوبھارت کی توہین قراردیا ہے اورکہاہے کہ بھارت کایہ مسئلہ پاکستان میں حل ہویہ انہیں برداشت نہیں۔ تجزیہ کاروں کاکہناہے کہ رام کشورجیسے لوگ جب تک انتہاپسندی کی حمایت کریں گے،بھارت کی دنیامیں ایسے ہی جگ ہنسائی ہوگی۔