کوئٹہ ( نیوزڈیسک ) کوئٹہ میں خوفناک حادثے کا شکار جعفر ایکسپریس کے مسافروں نے خوف کے باعث ٹرین میں سفر کرنے سے انکار کردیا ,ریلوے حکام کی جانب سے مفت ٹکٹ دینے کےلئے کاﺅنٹر بھی بنادیا ,حادثے میں زخمی ہونے والے افراد ہسپتالوں میں داخل ¾ سی ایم ایچ میں لائے گئے 79 زخمیوں میں سے 11 کو ڈسچارج کردیاگیا ۔ نجی ٹی وی کے مطابق کوئٹہ میں ٹرین حادثے کے مسافروں نے مفت ٹکٹ دیئے جانے کے باوجود خوف کے باعث ٹرین میں سفر کرنے سے انکار کردیا حالانکہ ریلوے حکام کی جانب سے مفت ٹکٹ دینے کےلئے کاﺅنٹر بھی بنادیاگیاہے ۔گزشتہ دن جعفر ایکسپریس میں حادثے کے باعث 17 لوگ اپنی جان کھو بیٹھے تھے جبکہ 148 زخمی ہو گئے تھے۔ دوسری طرف کوئٹہ کے مختلف ہسپتالوں میں اب بھی 93 زخمی زیر علاج ہیں۔جعفر ایکسپریس ساںحے کے 148 زخمیوں کو سبی اور کوئٹہ کے مختلف ہسپتالوں میں منتقل کیا گیا جبکہ دیگر مسافروں کو بھی ریلیف ٹرین کے زریعے واپس کوئٹہ پہنچایا گیا جن کے لیے آج ریلوئے حکام نے کوئٹہ ریلوئے سٹیشن پر کاونٹر قائم کر دیا ہے جہاں مسافروں کو مفت ٹکٹ دیا جا رہا ہے۔تاہم مسافروں نے جعفر ایکسپریس میں سے سفر کرنے سے انکار کر دیا جبکہ 148 زخمیوں میں سے 70 کو سول ہسپتال لایا گیا تھا جن مین سے 25 اب بھی سول ہسپتال میں زیر علاج ہیں اس کے علاوہ سی ایم ایچ میں 79 زخمیوں کو لایا گیا جن میں سے 11 کو ڈسچارج کر دیا گیا ہے۔دوسری جانب جی ایم ریلوے جاوید بوبک کوئٹہ پہنچ گئے اور حادثے کا شکار جعفر ایکسپریس کے جائے وقوعہ کا معائنہ کرنے کےلئے روانہ ہو گئے ہیں۔