اسلام آباد(نیوز ڈیسک)زلزلے سے تباہ حال نیپال ایک بار پھر لرز اٹھا ، نیپال میں سات اعشاریہ چار شدت کے زلزلے سے 19 افراد ہلاک اور 1000 سے زائد زخمی ہوگئے ، درجنوں عمارتیں مٹی کے ڈھیر میں بدل گئیں۔نیپالی شہری گزشتہ ماہ آنے والے ہولناک زلزلے کی تباہی سے ابھی باہر نہیں آئے کہ ایک بار پھر قدرتی آفت نے انہیں گھیر لیا۔ آج دوپہر مغربی بنگال ، کولکتہ ، بہار ، اڑیسہ اور نیپال میں زلزلے کے شدید جھٹکے محسوس کیے گئے۔ امریکی جیولوجیکل سروے کے مطابق زلزلے کا مرکز ماو¿نٹ ایورسٹ کے قریب نامچے بازار تھا اور ریکٹر سکیل پر اس کی شدت سات اعشاریہ چار تھی۔ زلزلے سے متعدد عمارتیں مٹی کا ڈھیر بن گئیں۔ غیرملکی میڈیا کے مطابق متعدد زخمیوں کو ہسپتال لایا گیا ہے۔ گزشتہ ماہ نیپال میں سات اعشاریہ آٹھ شدت کے زلزلے نے شدید تباہی مچائی جس سے آٹھ ہزار چھیالیس افراد جاں بحق اور سترہ ہزار آٹھ سو افراد زخمی ہوئے۔