لاہور (نیوزڈیسک)الیکشن ٹریبونل نے این اے 125سے متعلق تفصیلی فیصلہ جاری کردیاجس میں خواجہ سعد رفیق اورمیاں نصیرکے بارے میں کوئی ایسی بات نہیں کہ وہ ان انتخابات میں اثراندازہوئے ہیں یاان دونوں نے بددیانتی کی ہو۔ تفصیلات کے مطابق این اے 125 سے متعلق 80 صفحات پر مشتمل تفصیلی فیصلے میں کہا گیا ہے کہ تحقیقات کے دوران این اے 125 میں کوتاہیوں کا عمل ہر مرحلہ پر موجود ہے اور متعدد پولنگ سٹیشنز کی کا?نٹر فائلز اور ووٹر لسٹیں بھی غائب تھیں جبکہ تین ووٹرز نے ڈبل ووٹ کاسٹ کئے۔فیصلے کے مطابق 1352 ووٹوں کی انگوٹھوں کے نشانات کے ذریعے تصدیق کرائی گئی جن میں سے 1254 کی انگوٹھوں کے ذریعے تصدیق ہوئی جبکہ 84 ووٹ سے متعلق انگوٹھوں کے نشانات کی تصدیق نہ ہو سکی۔ 14 کا?نٹرز فائلز پر انگوٹھوں کے نشانات جعلی نکلے اور پولنگ سٹیشن نمبر 195 کے بیلٹ پیپرز اور کا?ٹنر فائلز کا ریکارڈ ہی نہیں ملا جبکہ ریکارڈ کی گمشدگی پر ا ٓر او سمیت عملے کے خلاف کوئی ثبوت نہیں اور نہ ہی سعد رفیق اور الیکشن کے عملے کی سازش یا دھوکہ دہی کا ثبوت ملا ہے۔فیصلے میں کہاگیاہے کہ حلقے میں دوبارہ انتخابات کرائے جائیں اوراس فیصلے میں کسی بھی امیدوارکونااہل قرارنہیں دیاگیاہے ،