اسلام آباد: (نیوز ڈیسک)وزیر اعظم نواز شریف نے انتخابی دھاندلی سیمتعلق جوڈیشل کمیشن کے لئے قانونی ٹیم تشکیل دے دی ہے۔ وزیر اعظم کی جانب سے تشکیل دی گئی قانونی ٹیم میں خالد انور، خواجہ حارث، اشتر اوصاف علی اور مخدوم علی خان شامل ہیں جب کہ وزیراعظم کے دو معاونین خصوصی خواجہ ظہیر احمد اور بیرسٹر ظفر اللہ اضافی معاونت کریں گے، ٹیم کی سربراہی خالد انور کریں گے۔ قانونی ٹیم عام انتخابات میں مبینہ دھاندلی کے حوالے سے اپوزیشن جماعتوں کی جانب سے اٹھائے گئے اعتراضات کے جواب دے گی۔