اسلام آباد(نیوز ڈیسک)حافظ آباد اور راجن پور کے علاقے روجھان میں ٹریفک کے دو مختلف حادثات میں 10 افراد جاں بحق 19 زخمی ہوگئے۔ تفصیلات کے مطابق پہلا حا دثہ حافظ آباد کے علاقے ڈیرہ شاہ جمال کے قریب پیش آیا۔ جہاں گوجرانوالہ سے کچھ لوگ شادی میں شرکت کے لیے حافظ آباد آئے تھے۔ واپسی پر ڈاکووں نے ان کی ویگن کو روکنے کی کوشش کی، جس پر ڈرائیور نے گاڑی بھگادی اور ویگن ایک ٹرک سے جاٹکرائی۔ حادثے میں 4افراد موقع پر جاں بحق ہوگئے، جبکہ 3خواجہ سراوں سمیت 5شدید زخمی بھی ہوئے ہیں۔ حادثے کے اطلاع ملتے ہی ریسکیو اور طبی امداد کی ٹیمیں حادثے کے مقام پر پہنچ گئیں اور زخمیوں کو طبی امداد فراہم کرنے کے لیے ڈی ایچ کیو اسپتال منتقل کردیا گیا ہے۔دوسر حادثے میں راجن پور انڈس ہائی وے پر تیز رفتار مسافربس مخالف سمت سے آنے والے ٹرک سے ٹکراگئی۔ حادثے کے نتیجے میں6 مسافر جاں بحق ہوگئے۔مسافر کوچ کراچی سے سوات جارہی تھی۔ حادثے میں 14افراد زخمی بھی ہوئے۔ زخمیوں کو رجھان اسپتال منتقل کیا گیا ہے جہاں 7افراد کی حالت تشویشناک ہے۔