اسلام آباد (نیوز ڈیسک) بحریہ ٹاﺅن پراجیکٹ میں بحریہ کا نام استعمال کرنے کے خلاف دائر درخواست سپریم کورٹ نے ناقابل سماعت قرار دے کر خارج کر دی ۔ عدالت کا کہنا ہے کہ یہ درخواست کی سماعت آئین کے آرٹیکل ( 3 ) 184 کے تحت نہیں کی جا سکتی اس میں درخواست گزار متاثرہ فریق نہیں ۔ یہ حکم جسٹس میاں ثاقب نثار کی سربراہی میں تین رکنی بینچ نے بدھ کے روز جاری کیا ہے ۔ درخواست حسن الیاس کیفی نے دائر کی تھی جو خارج کر دی گئی جس میں کہا گیا تھا کہ بحریہ ٹاﺅن کا مالک بحریہ کا نام غیر قانونی طور پر استعمال کر رہا ہے مگر عدالت نے ان کے موقف سے اتفاق نہیں کیا اور درخواست ناقابل سماعت قرار دیتے ہوئے خارج کر دی ۔