اسلام آباد (نیوز ڈیسک)نیپرا نے ماہانہ فیول ایڈجسٹمنٹ کی مد میں بجلی کی قیمت میں 2 روپے 8 پیسے فی یونٹ کمی کی منظوری دے دی۔میڈیا رپورٹس کے کے مطابق سینٹرل پاور پرچیزنگ ایجنسی نے عالمی مارکیٹ میں تیل کی قیمتوں میں کمی کے پیش نظر جنوری کے مہینے کے لئے بجلی کی قیمت میں 2 روپے 8 پیسے فی یونٹ کمی کی درخواست کی تھی، جسے نیپرا نے منظور کرلیا ہے۔ بجلی کی قیمتوں میں کمی ماہانہ فیول ایڈجسٹمنٹ کی مد میں کی گئی ہے۔بجلی کی قیمتوں میں کمی کا اطلاق 50 یونٹ سے کم بجلی استعمال کرنے والوں اور کے الیکٹرک کے علاوہ ملک بھر کے تمام صارفین پر ہوگا۔، بجلی کی قیمتوں میں کمی سے صارفین 12 ارب روپے کا ریلیف دیا جائیگا ۔