جمعہ‬‮ ، 14 جون‬‮ 2024 

وزیر اعظم سےآرمی چیف کی ملاقات دہشتگردی کے خاتمے کا اعادہ

datetime 24  فروری‬‮  2015
ہمارا واٹس ایپ چینل جوائن کریں

اسلام آباد (نیوز ڈیسک) وزیر اعظم نواز شریف نے کہا ہے کہ ملک سے ہر قیمت پر دہشت گردی کے خاتمے کا مکمل عزم ہے، دہشت گردی کے خلاف جنگ کو پایہ تکمیل تک پہنچا کر دم لیں گے‘ پاکستان امن پر یقین رکھتا ہے ہم نہ کسی دوسرے ملک میں مداخلت کریں گے نہ کسی کو اپنے ملک میں مداخلت کرنے دینگے‘ دہشت گردوں کے سرپرستوں کو بھی انجام تک پہنچائینگے ۔ وہ منگل کو آرمی چیف جنرل راحیل شریف سے وزیراعظم ہاﺅس میں ملاقات میں بات چیت کررہے تھے۔ ملاقات میں پیشہ وارانہ امور اور آپریشن ضرب عضب پر تبادلہ خیال کیا گیا‘ شمالی وزیرستان آپریشن کے متاثرین کو جلد ان کے علاقوں میں واپس بھجوانے پر اتفاق ۔ آرمی چیف نے وزیراعظم کو اپنے حالیہ دورہ کابل اور متحدہ عرب امارات کے بارے میں تفصیل سے بریفنگ دی‘ ذرائع کے مطابق ملاقات میں خطہ کی مجموعی صورتحال اور خاص طور پر افغان طالبان اور امریکہ میں قطر میں شروع ہونے والے مذاکراتی عمل کے بارے میں بھی تبادلہ خیال کیا گیا۔ ملاقات میں سیاسی و عسکری قیادت نے ایک بار پھر اس بات کا اعادہ کیا کہ پرامن افغانستان پورے خطے کے مفاد میں ہے اور پاکستان افغانستان میں قیام امن کے لئے ہر کوشش کی مکمل حمایت کریگا۔ ملاقات میں دہشت گردی کے خاتمہ کے لئے چاروں صوبوں میں نیشنل ایکشن پلان پر عملدرآمد کا جائزہ لیا گیا۔ ترجمان وزیراعظم ہاﺅس کے مطابق ملاقات میں شمالی وزیرستان میں آپریشن ضرب عضب کی وجہ سے ہجرت کرنے والے آئی ڈی پیز کی بحالی کے کئی منصوبوں پر بھی غور کیساتھ ساتھ نقل مکانی کرنے والے افراد کو جلد ان کے آبائی علاقوں میں واپس بھیجنے پر اتفاق کیا گیا۔



کالم



شرطوں کی نذر ہوتے بچے


شاہ محمد کی عمر صرف گیارہ سال تھی‘ وہ کراچی کے…

یونیورسٹیوں کی کیا ضرروت ہے؟

پورڈو (Purdue) امریکی ریاست انڈیانا کا چھوٹا سا قصبہ…

کھوپڑیوں کے مینار

1750ء تک فرانس میں صنعت کاروں‘ تاجروں اور بیوپاریوں…

سنگ دِل محبوب

بابر اعوان ملک کے نام ور وکیل‘ سیاست دان اور…

ہم بھی

پہلے دن بجلی بند ہو گئی‘ نیشنل گرڈ ٹرپ کر گیا…

صرف ایک زبان سے

میرے پاس چند دن قبل جرمنی سے ایک صاحب تشریف لائے‘…

آل مجاہد کالونی

یہ آج سے چھ سال پرانی بات ہے‘ میرے ایک دوست کسی…

ٹینگ ٹانگ

مجھے چند دن قبل کسی دوست نے لاہور کے ایک پاگل…

ایک نئی طرز کا فراڈ

عرفان صاحب میرے پرانے دوست ہیں‘ یہ کراچی میں…

فرح گوگی بھی لے لیں

میں آپ کو ایک مثال دیتا ہوں‘ فرض کریں آپ ایک بڑے…

آئوٹ آف دی باکس

کان پور بھارتی ریاست اترپردیش کا بڑا نڈسٹریل…