اسلام آباد(مانیٹرنگ ڈیسک)رمضان المبارک اللہ تعالیٰ کی مسلمانوں پر خاص عنایت کا نام ہے۔ اس ماہ کے حوالے سے اہتمام و ترتیب خصوصی اہمیت کی حامل ہے۔ روزے کے مکروہات اور حرام سمجھنےاور ان سے بچنے کے ساتھ سنت نبویؐ کے تحت رمضان المبارک گزارنے کی اہمیت بہت زیادہ ہے۔ چند ایسی چیزیں جو کہ آج ہمارے معاشرے میں رچ بس چکی ہیں اس سے متعلق
گمان یہ ہوتا ہے کہ یہی صحیح طریقہ ہے جیسا کہ عموماََ سمجھا جاتا ہے کہ روزہ کھولنے سے پہلے روزہ کھولنے کی مسنون دعا پڑھنی چاہئے اور ہم لوگ ایسا ہی کرتے ہیں مگر اس حوالے سے مفتی اکمل جو کہ ایک معروف عالم دین ہونے کے ساتھ مختلف اسلامی نجی ٹی وی چینل پر دین سے متعلق مسائل بیان کرتے ہیںاپنے ایک ویڈیوبیان میں فرماتے ہیں کہ افطار کا اذان سے کوئی تعلق نہیں ، یعنی یہ ضروری نہیں کہ اذان ہو اور ہم افطار کریں۔ جیسے ہی افطار کا وقت ہو افطاری کر لینی چاہئے۔مفتی اکمل کہتے ہیں کہ عموماََ افطار کے وقت خلاف سنت کام کئے جاتے ہیں جن سے متعلق آگاہی نہ ہونے کی وجہ سے ایسا ہوتا ہے۔ عموماََ لوگ افطار سے قبل دعا پڑھ کر روزہ کھولتے ہیں جو کہ روزہ کھولنے کے بعد پڑھنے کی دعا ہے۔ہمارے ٹی وی چینل اس حوالے سے افطار کے وقت روزہ کھولنے کی دعا کے ٹائٹل کے ساتھ مسنون دعا ’’اللھم انی لک صمت و بک امنت و علیک توکلت و علی رزقک افطرت‘‘چلا دیتے ہیں جو کہ دراصل روزہ کھولنے کی دعا نہیں بلکہ روزہ کھولنے کے بعد کی دعا ہے۔اس حوالے سے انہوں نے مزید کیا کہا۔۔!ویڈیو ملاحظہ کریں۔
