ماسکو(این این آئی)روس کے صدر ولادیمیر پیوٹن نے اعتراف کیا ہے کہ روس اپنی ایٹمی طاقت بڑھا رہا ہے۔روس کے صدر ولادیمیر پیوٹن نے کہا ہے کہ ہمارے پاس جو جوہری ٹیکنالوجی ہے وہ کسی کے پاس نہیں، نئے روسی ہتھیار سٹریٹجک توازن یقینی بنائیں گے، روس نے چند دن پہلے ہائپرسونک کروز میزائل متعارف کروائے۔صدر پیوٹن نے کہا کہ ہمارے ایٹمی ری ایکٹر چند سیکنڈز میں فعال ہونے کی صلاحیت رکھتے ہیں، میزائل تجربے کے دوران نیٹو کا جاسوس جہاز بھی اسی علاقے میں موجود تھا، روسی صدر نے ایٹمی سائنسدانوں کو کامیاب میزائل تجربات پر مبارکباد بھی دی۔