اسلام آباد (نیوز ڈیسک)ایرانی رہبرِ اعلیٰ آیت اللّٰہ علی خامنہ ای کے تازہ ویڈیو پیغام کے بعد اسرائیلی وزیر اعظم بنیامین نیتن یاہو نے سوشل میڈیا پر ردعمل دیتے ہوئے سابق امریکی صدر ڈونلڈ ٹرمپ کی حمایت کا شکریہ ادا کیا۔

عبرانی ذرائع ابلاغ کے مطابق نیتن یاہو نے اپنے پیغام میں کہا کہ وہ صدر ٹرمپ کے ساتھ مل کر مشترکہ دشمنوں کو شکست دینے کی کوششیں جاری رکھیں گے۔ انہوں نے مزید کہا کہ اسرائیل اپنے یرغمالیوں کی بازیابی کے لیے پرعزم ہے اور مشرق وسطیٰ میں امن کے دائرہ کو مزید وسیع کرے گا۔اس بیان کے ساتھ نیتن یاہو نے ٹرمپ کے ساتھ مصافحہ کرتے ہوئے اپنی ایک تصویر بھی شیئر کی، جس میں دونوں رہنماؤں کے درمیان دوستانہ تعلقات واضح نظر آتے ہیں۔دوسری جانب ایرانی سپریم لیڈر آیت اللّٰہ خامنہ ای نے اپنے بیان میں دعویٰ کیا کہ حالیہ ایرانی حملوں کے نتیجے میں صہیونی ریاست کا نظام بری طرح متاثر ہوا ہے۔