ریاض(این این آئی)سعودی عرب کی وزارت حج و عمرہ نے 7 عمرہ کمپنیوں کے خلاف کارروائی کرتے ہوئے ان کے اجازت نامے منسوخ اور بینک ضمانت ضبط کرنے کا فیصلہ کیا ہے۔عرب ٹی وی کے مطابق وزارت نے کہا کہ مذکورہ کمپنیوں نے پیکیج کے مطابق عمرہ زائرین کو ٹرانسپورٹ کی سہولت فراہم کرنے میں کوتاہی برتی ہے۔

یہ اقدام ان کوششوں کا حصہ ہے جو وزارت عمرہ زائرین کو فراہم کی جانے والی خدمات کے معیار کوبہتر کرنے اور عمرہ کمپنیوں سے کئے گئے معاہداتی پروگراموں پر عمل درآمد کی نگرانی کے لئے کر رہی ہے۔