تہران (این این آئی)ایران کے اسرائیلی دارالحکومت مقبوضہ بیت المقدس اور تل ابیب میں بیلسٹک میزائلوں اور ڈرونز حملوں کے نتیجے میں 5افراد زخمی ہوگئے، جبکہ اسرائیلی ملٹری انٹیلی جنس ڈائریکٹوریٹ اور موساد کے آپریشن سینٹر میں آگ بھڑک اٹھی۔ غیر ملکی میڈیا کے مطابق 17جون کو ایران کے تازہ میزائل حملے میں کے بعد اسرائیلی افواج نے متعدد میزائلوں کو فضا میں ناکارہ بنادیا،ایران کی پاسدارانِ انقلاب نے دعوی کیا ہے کہ ہم نے تل ابیب میں صہیونی حکومت کی فوج کی ملٹری انٹیلی جنس ایجنسی امان اور صہیونی حکومت کی دہشت گرد کارروائیوں کی منصوبہ بندی کے مرکز موساد کو نشانہ بنایا ہے، جو اس وقت آگ کی لپیٹ میں ہے۔

ایران کے حالیہ میزائل حملے میں وسطی مقبوضہ فلسطین کے شہر رہووت میں واقع وائزمین انسٹیٹیوٹ آف سائنس کو شدید نقصان پہنچایا ہے۔لبنانی میڈیا کے مطابق اسرائیلی کے جنگی تحقیقی مرکز کی متعدد عمارتوں کو براہِ راست نشانہ بنایا گیا، جبکہ ایک اہم تجربہ گاہ مکمل طور پر آگ کی لپیٹ میں آ کر تباہ ہو گئی۔اسرائیلی میڈیا کی جانب سے جاری کی گئی تصاویر میں جلی ہوئی اندرونی دیواریں، گری ہوئی منزلیں، تباہ شدہ بجلی کا نظام، اور عمارت کو پہنچنے والا شدید نقصان دیکھا جا سکتا ہے، جو مبینہ طور پر ایک درست نشانے پر کیے گئے حملے کا نتیجہ تھا۔