تہران (این این آئی)ایران نے اسرائیل پر پھر میزائل داغ دیے، جس کی تصدیق اسرائیلی فوج نے کر دی۔میڈیارپورٹس کے مطابق اس حوالے سے اسرائیلی فوج نے کہا کہ ایران سے اسرائیل کی جانب میزائل داغے گئے ہیں، اسرائیلی دفاعی نظام خطرے سے نمٹنے کیلیے فعال ہے۔

غیر ملکی خبر رساں ادارے مطابق تل ابیب میں متعدد دھماکے سنے گئے۔ایرانی میڈیا کے مطابق اسرائیلی مقبوضہ علاقوں پر میزائل داغے گئے۔غیر ملکی خبر ایجنسی کے مطابق اسرائیل میں خطرے کے سائرن بج اٹھے۔واضح رہے کہ ایران نے رات کو اسرائیل پر میزائلوں سے ایک اور بڑا حملہ کیا تھا، حملوں میں اسرائیلی دارالحکومت تل ابیب اور حیفہ کو نشانہ بنایا گیا، حیفہ ریفائنری کی پیداوار روک دی گئی۔