اسلام آباد (نیوز ڈیسک) ایران، اسرائیل کشیدگی کم کرانے کیلئے امریکہ کے صدر ڈونلڈ ٹرمپ نے اہم رہنما کو بطور ثالث قبول کرنے کا اشارہ دیدیا ہے ۔ ’’جنگ ‘‘ کے مطابق روس نے ایران اسرائیل کشیدگی کم کرانے کے لیے ثالثی کی پیشکش کی ہے۔

امریکی صدر ڈونلڈ ٹرمپ نے روسی ہم منصب پیوٹن کو بطور ثالث قبول کرنے کا اشارہ دیدیا ہے۔ایک انٹرویو میں صدر ٹرمپ نے کہا کہ امریکہ اس وقت ایران ،اسرائیل کشیدگی کا حصہ نہیں ہے لیکن ممکن ہے کہ وہ اس کا حصہ بن جائے۔دوسری جانب ترک صدر طیب اردوان کی بھی امریکی صدر ڈونلڈ ٹرمپ سے ٹیلیفون پر گفتگو ہوئی ہے جس میں دونوں صدور نے ایران، اسرائیل تنازع پر تبادلۂ خیال کیا۔ ترک صدر نے ٹرمپ سے خطے کو آگ میں دھکیلنے والی تباہی روکنے کے لیے فوری اقدام کرنے کا کہا۔