اسلام آباد (نیوز ڈیسک) امریکا کی سابق ٹرمپ انتظامیہ نے ایک نئی سفری پالیسی کا آغاز کیا ہے، جس کے تحت دنیا کے مختلف خطوں سے تعلق رکھنے والے 36 ممالک کے شہریوں کو امریکا میں داخلے سے روکا جا سکتا ہے۔

اطلاعات کے مطابق ان مجوزہ پابندیوں کی زد میں جو ممالک آ سکتے ہیں، ان میں افریقی، ایشیائی اور کیریبیئن خطے کے متعدد ممالک شامل ہیں، جیسے انگولا، نائیجیریا، یوگنڈا، کمبوڈیا، مصر، گھانا، تنزانیہ، زیمبیا اور زمبابوے۔

تاہم پاکستانی شہریوں کے لیے فی الوقت کوئی خطرہ نہیں، کیونکہ پاکستان کا نام اس ابتدائی فہرست میں شامل نہیں کیا گیا۔

امریکی وزیر خارجہ مارکو روبیو کی جانب سے جاری کردہ ایک میمو میں بتایا گیا ہے کہ ان ممالک کو مخصوص معیارات اور شرائط پوری کرنے کے لیے 60 دن کی مہلت دی جائے گی، تاکہ وہ امیگریشن کے نئے ضوابط پر پورا اتر سکیں۔